इंदापूर नगरपरिषद निवडणूक : काँग्रेसकडून प्रभाग सात मधून नगरसेवक उमेदवारी साठी मोहम्मद रफी सय्यद प्रबळ दावेदार उमेदवार

 इंदापूर नगरपरिषद निवडणूक : काँग्रेसकडून प्रभाग सात मधून नगरसेवक उमेदवारी साठी मोहम्मद रफी सय्यद प्रबळ दावेदार उमेदवार 

इंदापूर नगरपरिषद निवडणूक : काँग्रेसकडून प्रभाग सात मधून नगरसेवक उमेदवारी साठी मोहम्मद रफी सय्यद प्रबळ दावेदार उमेदवार 

इंदापूर –

इंदापूर नगरपरिषद निवडणुकीचे वेळापत्रक आज निवडणूक आयोगाने जाहीर केल्यानंतर शहरातील राजकीय वातावरण तापले आहे. या पार्श्वभूमीवर व्यंकटेश नगर येथील रहिवासी तसेच काँग्रेस पक्षाचे अल्पसंख्याक शहराध्यक्ष मोहम्मद रफी सय्यद यांनी प्रभाग क्रमांक ७ (ब) मधून सर्वसाधारण पुरुष या गटातून निवडणूक लढण्याची तीव्र इच्छा व्यक्त केली आहे.

काँग्रेस पक्षाने त्यांना तिकीट दिल्यास सय्यद हे उमेदवार जनतेच्या विश्वासाचे सोने करून दाखवतील, असा ठाम विश्वास काँग्रेस कार्यकर्त्यांमध्ये व्यक्त केला जात आहे. शहरातील विविध भागात त्यांचा वाढता जनसंपर्क, सर्व समाजघटकांशी सुसंवाद आणि अल्पावधीत उभे केलेले सामाजिक कार्य यामुळे त्यांची प्रतिमा जनतेच्या मनात दृढ झाली आहे.

शहरात स्वच्छता, पाणीपुरवठा, रस्ते, तसेच युवकांच्या विकासाशी संबंधित प्रश्नांवर सातत्याने पाठपुरावा करून त्यांनी आपली वेगळी ओळख निर्माण केली आहे. त्यांचा जमलेला जनसंपर्क आणि पक्षनिष्ठा पाहता, काँग्रेस पक्षाने जर त्यांच्यावर विश्वास टाकला, तर इंदापूर नगरपरिषदेत काँग्रेस नवचैतन्य निर्माण करून नवनिर्माणाचा मार्ग प्रशस्त करेल, असा आशावाद काँग्रेस कार्यकर्त्यांमध्ये व्यक्त होत आहे.

> “इंदापूरच्या नागरिकांसाठी प्रामाणिकपणे काम करण्याचा माझा संकल्प आहे. काँग्रेस पक्षाने तिकीट दिल्यास विकास आणि सौहार्दाचा नवा अध्याय सुरू करीन,”

असे मोहम्मद रफी सय्यद यांनी सांगितले.

शहरातील आगामी निवडणुकीत त्यांच्या उमेदवारीवर सर्वांचे लक्ष केंद्रीत झाले असून, काँग्रेस पक्षाच्या स्थानिक संघटनांमध्ये नव्या उर्जेची लाट दिसून येत आहे.